Dyqani “Arta” ka nisur punë si fillim nga gjyshja e pronares së tanishme, e cila punonte në shtëpi para shumë vitesh. Punën e saj e vazhdoi pronarja e tanishme me burrin e saj, i cili shkonte në gjithë Ballkanin për të gjetur dhe koleksionuar qilima, veshje, dhe aksesore të vjetër. Në vitin 2001 ata hapen dhe dyqanin e tyre të parë. Si një biznes i pavarur kanë 20 vite që ju ofrojnë klientëve mundësi t’i vizitojnë në vende të hapura. Me lokacion ata gjenden në Prizren dhe në Sarandë, në jug të Shqipërisë. Në dyqanin e tyre ju mund të gjeni veshje të krahinave të ndryshme për fëmije dhe të rritur, burra dhe gra, qilima , sexhade, figura, bizhuteri të argjendit, punime nga bakri, tapiseri, goblena etj. Produktet e saj mund t’i gjeni edhe në shqipshop.org